Als Kind habt 's ma beibracht,
wia 's Lacha geht
und was ma unter „Lacha“ versteht
und dass ma 's duat,
halt wenn oan was g'freit …
… und dass ma – zum Beispui -
wenn 's oan hihaut auf d'Stoana …
halt ned lacha duat,
sondern woana.
Mei …
hätt 's ma 's halt beibracht
andersrum!
Des fand' i ned dumm …
… da bräuchat i heit oft
nix anders mehr macha
als an ganz'n Tag bloß lacha und lacha …
… da bräuchat i d' Zähn' ned so oft
z'sammabeiß'n …
da …
da … dat 's mi vor Lacha
manchmal bald z'reiß'n!
In dem Punkt -
nix für Unguat -
aber …
's is wirklich ned g'log'n -
da habt 's mi
halt oafach
falsch erzog'n!
entstanden am 1.Dezember 1985
Kommentare
Dein Bild und Gedicht
Sind zum Weinen NICHT!
LG Axel