Z'erst natürlich zu sich,
dann zu am andern
grundehrlich sei müass'n
in irg'nda verzwickt'n G'schicht,
über de si 's
halt amoi wirklich hart spricht …
… des is schwer.
D'rum moan i …
macht des halt a
so selt'n wer.
… Aber hat ma's
mi'm Aufbiet'n von aller Kraft
dann endlich g'schafft,
dann …
dann bringt meist'ns
so a g'radraus Red'n,
so a ung'wohnte Art von Ehrlichkeit,
neben dem,
wia s' möglicherweis'
a wehdoa ko …
für de Beteiligt'n
a scho
a wengerl a Freid.
entstanden am 1. Dezember 1985