Unsere 50x70 cm Literatur-Kunstdrucke sind nun auf Etsy verfügbar. Für Schulen, Bibliotheken, als Geschenk oder für die eigenen vier Wände. Jetzt anschauen

Glaub'nskris'n

Bild von ego
Bibliothek

… Dass i an an Nikolaus z'glaub'n verlernt hab' …
mei, des is scho so lang her,
des is scho glei gar nimmer wahr …

… dass i dann a no an 's Christkindl z'glaub'n verlernt hab' …
mei, des is scho so lang her,
des is scho glei gar nimmer wahr …

… dass i z'letzt a an an Osterhas'n z'glaub'n verlernt hab' …
mei, des is scho so lang her,
des is scho glei gar nimmer wahr …

… dass i a an des, was de Politiker versprecha, z'glaub'n verlernt hab' …
mei, des is scho so lang her,
des is scho glei gar nimmer wahr …

… dass i a an 's meiste, was de andern sag'n, z'glaub'n verlernt hab' …
mei, des is scho so lang her,
des is scho glei gar nimmer wahr …,

Bloß, -
dass i o'g'fangt hab', an mi selber z'glaub'n …
… schee bröckerlweis' …
a no z'verlerna …
des is zwar no gar ned so lang her,
aber wahr is 's dummerweis' scho …

24.11.1985

entstanden am 24.November 1985

Rezitation:

Rezitation: gesprochen am 6.12.2016

Interne Verweise