Im Untergrund

Bild von ego
Mitglied

Des Eineschaug'n ins Aquarium
is a pfundige Sach!
Des is a der Grund,
warum i 's gern' mach'.

Da Schmetterlingsfisch
bleibt oiwe ob'n,
de Neonfischerl – zu dritt -
schwimma mehra in da Mitt',
und de Dornaug'n
- sche bunt -
bleib'n liaber weiter
unt'n
am Grund.

… G'rad wia im Leb'n …
wo 's as halt a duat geb'n,
dass de oana oiwe ob'n san
und de ander'n
dafür
mehra unt'.

Da …
wenn jetzad i a
a Fischerl da drinna war' …
… moan i …
war'n oft ganz schee verschund'n
meine Grät'n, meine Boana,
denn de mehran Stund'n
war' mei Platzerl
bestimmt
tiaf drunt'n
unter
de Stoana …

entstanden am 1.Dezember 1985

Rezitation:

Rezitation: gelesen am 3.1.2017
Rechtshinweis:
Dieser Beitrag ist urheberrechtlich oder durch Copyright geschützt und darf ohne Genehmigung nicht verwendet werden.

Interne Verweise

Kommentare

08. Jan 2017

Zum Glück KEIN Fisch, der ja aphon -
Dann klappt kaum die Rezitation ...

LG Axel

13. Jan 2017

Jo wia hoit des Lebn so an Fisch aungschaut hat
so gspiat ma wias du deine Wörter host draat.

Klingt gut & echt!
LG, Walter