Mi selber mi'm Goethe z'vergleicha … ?
… da muass i glei weicha!
Ja, i kanntat
ja ned amoi 's Handtuach eam reicha!
Dazua war i scho wirklich nachad z'kloa …
I kamat mir glatt wia a Hochstapler vor …
D'rum schenk' i mir ei an reina Wein.
(–-- D'rum leit 's a mir koa Frau v. Stein …)
Aber -
wenn amoi oana kemmat,
der 's unternehmat,
a paar Zeitfetzerl aus sei'm Leb'n
für mei niederg'schrieb'ns Denka herz'geb'n,
dann -
wirklich wahr,
dann kam i mir vor,
ned z'weng verstand'n …
ja g'fördert sogar,
wia seinerzeit da Goethe,
vor rund 200 Jahr,
von der ob'n bereits g'nannt'n
Freifrau von Stoa …
entstanden am 2. November1985