Unsere 50x70 cm Literatur-Kunstdrucke sind nun auf Etsy verfügbar. Für Schulen, Bibliotheken, als Geschenk oder für die eigenen vier Wände. Jetzt anschauen

Oiwe obwart'n

Bild von ego
Bibliothek

I bin im Holz,
da hör' i,
wia am Rand vom Woid
a Auto halt.

Bin i wach oder dua i trama?!
Da wirft doch glatt
so a Hamme' zwisch'n d' Bama
a oide Matratz'n … !

Da schmeißt also oana a Kulturguat,
bloß weil 's 'n stör'n duat,
oafach in d'Natur furt,
was dera doch ned guat duat … !

A oide Matratz'n … !
Dem g'hörat'n glei' a paar solchene auf d'Pratz'n!!

Aber – vielleicht – möcht' er s' bloß herschenka
de Matratz'n,
vielleicht duat er mitleidig denka
an a paar Ratz'n?
Unter dene hat 's möglicherweis' a Asylant'n,
de sowas vor'm Winter guat braucha kannt'n …
so hoamatlose Ratz'n
kannt'n
si' da a scheene Wohnung neikratz'n …
dene kannt 's g'fall'n,
sich da einez'krall'n … !

Indem der Mo sei Kulturguat
also furtduat,
macht er grad' des,
was dene Ratz'n guat duat!

„Hm“, denk' i mir da für mi alloa,
„ so schnell kannt ma oam Unrecht dua … !“

entstanden am 3. November 1985

Rezitation:

Rezitation: gelesen am 19.9.2016

Interne Verweise

Kommentare

30. Okt 2016

Hahahaa! Ist das klasse! Herrlich ... und ja, man darf nicht vorschnell urteilen ;).
Danke für diesen "Launeheber", lieber Alfred!
Viele Grüße,
Corinna