Dearf 's des geb'n, bloß weil 's as halt gibt?

Umgeh'
deat 's es mit eurer,
mit meiner,
mit unsrer Welt ...
als bräuchat 's as bald nimmer …
… als hätt's es beim NECKERMANN
scho a neue b'stellt!

Jetzt amal echt … ohne Spaß …
geh, lasst 's mi mit euch ned lang' streit'n:
Habt's ebba scho so a neue, a g'sündere, bessere Welt
auf da Seit'n … ?

… oder
seid's es wirklich so narrisch
und
denkt's ned an danach
und
treibt's es d'rum oiwe schlimmer … !?

… ja,
dann pfüad di God …
… ja,
dann moan i g'rad,
des is mei Welt bald nimma … !