No nia
war mei Denka, mei Schreib'n …
… so flüssig!
Aber a ...
no nia
war i meiner …
… so überdrüssig!
Da …
woaß i jetzad ned,
duat des flüssige Schreib'n mir eher was geb'n
oder
verdünnt 's ma oiwe mehra
de (Rest-)Freid am Leb'n?
I … bin ma eb'n
nimmer recht schlüssig,
i woaß 's eb'n
nimmer so g'wiss,
ob des „flüssige“ Schreib'n
ned nur „flüssig“,
sondern …
… an mir selber a B'schiss …
und desweg'n
- unter Umständ'-
gar
„überflüssig“
is?
geschrieben am 8. Dezember 1985
Kommentare
Is 's ned liaba Oifred! Dia oan scheenen Dog und Griaß, Soléa
Dankscheen fir Dein motivier'nd'n Kommentar. Manchmoi denk' i (was mei Schreib'n ogeht) a aso wia Du, aber dann bin i mir wieda ned so klar d'rüber!
Liabe Grüaß vom Alfred
ÜBERSETZUNG [:-) : Schönen Dank für Deinen motivierenden Kommentar. Manchmal bin ich (bezüglich der Sinnhaftigkeit meines Schreibens) der gleichen Auffassung wie Du, aber es gibt auch Augenblicke, in denen ich diese, meine Meinung, in Frage zu stellen mich genötigt sehe.
Liebe Grüße
Alfred