O mei ... !

von Alfred Krieger
Mitglied

's Bier und da Schnaps
hab'n eam bald fuchz'g Jahr lang guat g'schmeckt
wia so leicht koam;
und 's Ess'n hat eam g'schmeckt
Tag und Nacht …
's hat ned z'wen'g sei braucha,
wenn 's nur
guat und fett g'nua war … !
Und …
's Fette war eam glei liaber wia 's Magere.
Ja mei -
a g'sunda Mo mit zwoaahalb Zentner
mag scho dafuadert sei!

Gestern
hat 's 'n dabrös'lt.
Zwengs am Herz und da Leber
und am Cholesterin und am Zucker und da Gicht
hätt'n s' g'moant,
de Doktor'n, de G'schudiert'n,
de a ned ois wiss'n.

Ma ko' halt
heitzutag' oafach nimmer g'sund alt werd'n,
zwengs dera Umweltverschmutzung rundumadum!

geschrieben am 10. Juli 1988

Rezitation:

Rezitation: gelesen am 19.2.2017
Rechtshinweis:
Dieser Beitrag ist urheberrechtlich oder durch Copyright geschützt und darf ohne Genehmigung nicht verwendet werden.

Interne Verweise

Mehr von Alfred Krieger online lesen

Kommentare

19. Feb 2017

Die Umweltverschmutzung ist dramatisch und das (sehr) herzhafte Essen gibt denke ich, den Rest...
Moizeid und liabe Griaß
Soléa