Schlimmer als Hunger und Durst

von Alfred Krieger
Mitglied

Mit Knöd'l
und am Schweiner'n
könnt 's ihr mi vollstopfa
bis 's mi z'reißt …

Mit Mehlspeis'n
und Kuacha
könnt 's es mi vollpfropfa
bis
i eam aufgib',
mein' bisserl Geist!

… Es werd euch ned g'linga,
mir mein' Hunger wegz'bringa!

Und …
lasst 's mi a volllaffa
wia an Stier
mit Eimer voll Wasser,
Mille, Wein, Schnaps
oder Bier
oder
Kaffee …

… Mit dem ganz'n G'siff …
… kriagt 's es mein Durst
niamals
wirklich in 'n Griff!

...

Dageg'n …
g'rad oa Wort,
a herzlich's
a
ausnahmsweis'
echt g'moant's,
zu irg'nd a Stund'...
aus sonst
so am hartherzig'n,
saukalt'n Mund …
… dessei
dat ma guat … !
… Und
Hunger
und
Durst
war'n
- wia durch Zauberhand -
wenigst'ns für den Aug'nblick
furt!

geschrieben am 2. Februar 1986

Rezitation:

Rezitation: gesprochen am 21.1.2016
Rechtshinweis:
Dieser Beitrag ist urheberrechtlich oder durch Copyright geschützt und darf ohne Genehmigung nicht verwendet werden.

Interne Verweise