Wenn 's mit mir 'mal dahi'geht ...
wo geht 's dann hi'?
D' Religion woaß nix g'wiss',
a ned d' Philosophie ...
Von dem wirklich'n Zui
ahnt halt koana recht vui!
D'rum bitt' i jed's Viecherl,
Hund, Katz' oder Goaß,
(mei, weil i halt selba a nix Recht's woaß!),
dass 's - wenn's amoi unser Welt verlasst -
a ganz a kloans Wengerl auf mi no aufpasst ...
V'leicht kannt 's ma
- für d' Liab, de i eam hab' 'geb'n -
im Viecherlhimme' ...
... a Platzerl aufheb'n?
entstanden: 2007
Gedichtform:
Thema / Schlagwort: